Рама: Отворен Балкан ја исполни својата мисија, мора да се нурнеме во Берлинскиот процес

 Премиерот на Албанија Еди Рама на 1 јули за албанскиот „Еуроњуз“ изјави дека иницијативата „Отворен Балкан“ произлезе од потребата да се подобри берлинскиот процес и дека ја исполнила мисијата за која е родена и додаде дека „мора да се нурнеме главо “ во Берлинскиот процес, пренесува Косово онлајн.

„Берлинскиот процес е нашата иднина, планирам да направам турнеја низ регионот. Сакам да одам да се сретнам со сите премиери и претседатели во Скопје, Приштина, Белград, Сараево и Подгорица, за да ги информирам што работиме во моментов“, рече Рама.

„За прв пат откако [поранешната германска канцеларка] Ангела Меркел го иницираше процесот со Самитот во Берлин во 2014 година, Албанија очекува самит да се одржи во октомври во Тирана. Тоа е исклучително важен самит бидејќи се подготвуваме за значаен чекор напред… Иако треба да се фокусираме на ова, се разбира, Берлинскиот процес е нашата главна оска. Иницијативата Отворен Балкан е родена од потребата да се турка напред Берлинскиот процес и ја оствари мисијата за која е родена. Сега треба целосно да се вклучиме во Берлинскиот процес бидејќи ја имаме оваа можност“, изјави Рама, пренесува Euronews Албанија.

Српскиот претседател Александар Вучиќ одговори на коментарите на Рама, нагласувајќи дека тој секогаш ќе смета дека идејата што потекнува од регионот е подобра од оние што доаѓаат однадвор.

„Нема да се нурнеме без глава, ние сме дел од Берлинскиот процес и тоа е во ред. Не верувам дека Рама всушност го кажа тоа. Се надевам дека наскоро ќе можам да го видам. Отворена балканска иницијатива е автономна и автохтона идеја на луѓето од Балканот“, изјави Вучиќ за ТВ Прва, а пренесе Косово онлајн.

„Ова е израз на нашите желби и односи, а не нешто што го правиме под туѓ камшик“, додаде Вучиќ.