Романија погодена од циклон што ретко се гледа, локалните жители велат: „Библиски поплави“
Силниот дожд што падна во огромни количини во источна Романија доведе до поплави во неколку региони. Агигеа, Тузла, Костинести, Ефорие, Мангалија и Вама Вече се најпогодени со стотици куќи поплавени и многу улици потопени.
Во Венера, туристите кои престојувале во хотел ги нашле своите автомобили полни со вода во саботата наутро. Популарното туристичко место Вама Вече моментално е без струја и во тек е опсежна операција за чистење на плажата.
“Библиска поплава! Почна околу еден часот по полноќ кога почна да врне силен дожд. Не можев да видам метар пред мене”, рекол еден локален жител.
Локалните власти велат дека и покрај големата материјална штета, нема извештаи за евентуални жртви.
Над 800 повици добија противпожарната служба на ISU Dobrogea од луѓе кои бараат помош, а од петокот вечерта единиците се на терен во 15 области кои беа најтешко погодени од поплавата.
Constanta county, Romania last night.
— Bogdan (@b_bogdann) August 31, 2024
Severe storms with more than 200 ml / sq. m rain caused flash floods, destroyed parts of the beach, cars and houses. pic.twitter.com/eZbgkG9yVB
Метеоролозите велат дека причината што довела до поплавата била циклонска бура која била неподвижна над Црното Море, вшмукувајќи огромни количества вода. Велат дека оваа појава е доста ретка и обично се случува само еднаш или двапати годишно.
Во Романија останува на сила портокалов метео аларм, а се очекува циклонот да се пресели на југ кон Грција и Турција во наредните денови.
