Роналдо блиску до останување во Саудиска Арабија: Се договараат конечните детали за договорот (фото)

Португалскиот напаѓач Кристијано Роналдо (40) е подготвен да потпише нов договор со Ал-Наср и договорот е речиси постигнат, објави Фабрицио Романо.

Имено, последниот детаљ што треба да се реши е изборот помеѓу едногодишен или двегодишен договор, со кој Кристијано би останал до јуни 2027 година, доколку така сака.

Со потврдниот одговор на Португалецот и неговото задржување во Саудиска Арабија, беше направен голем потег за Про лигата таму.

Да ве потсетиме дека актуелниот договор на Роналдо со Ал-Наср истекува во понеделник, а токму како слободен агент пристигна во Саудиска Арабија во 2023 година.

Минатата сезона, тој одигра 41 натпревар во сите натпреварувања. Постигна 35 гола и додаде четири асистенции.

Тој има 221 настап за португалската репрезентација од своето деби во 2003 година, а денес е капитен на селекцијата за која постигна 138 гола.

Неговата моментална пазарна вредност се проценува на 12 милиони евра.