Русија и се обрати на Европа и ги шокираше сите: Нема прошка, сите знаеја што прават…

Европските бизниси се надеваат дека Москва „брзо ќе заборави и ќе прости“, но секој обид за враќање на рускиот пазар ќе се разгледува поединечно, изјави директорот на Одделот за меѓународни организации при Министерството за надворешни работи на Русија, Кирил Логвинов во интервју за руските медиуми.

Логвинов истакна дека многу западни лидери во првите месеци од Специјалната воена операција биле убедени дека Русија нема да може да го издржи бранот санкции и очекувале дека, кога ќе се случи колапсот, руската страна самите ќе се обрати до европските компании и ќе ги моли да се вратат – но според нивните услови.

– Очекуваат од нас, како и многупати досега во историјата, да заборавиме и да простиме. Сепак, тоа нема да се случи преку ноќ, ниту без последици –  предупреди Логвинов.

Индивидуална проценка за враќање – со приоритет на домашното производство

Според него, одлуките за евентуално враќање на западните брендови ќе се носат за секој случај поединечно, во согласност со интересите на руската економија и домашните производители кои, како што рече, веќе успешно замениле многу западни производи.

– Нема да заборавиме како западните компании се повлекоа од нашиот пазар. Москва не ги избрка – тие одлуки ги носеа сами, свесно и индивидуално –  подвлече Логвинов.

Некои веднаш си заминаа, други го издржаа притисокот

Тој додаде дека некои западни оператори „веднаш побегнале“ штом започнале политичките тензии, додека други решиле да останат, и покрај притисокот што го трпат од Брисел и некои европски метрополи.