САД на Украина ќе ѝ испратат касетни бомби

Американскиот советник за национална безбедност Џејк Саливан одговараше на прашања на новинарите на прес-конференција во Белата куќа.

Соединетите Американски Држави (САД) ќе ѝ дадат поддршка на Украина во касетна муниција како дел од воената помош од сопствениот инвентар, јавува Анадолу.

Американскиот советник за национална безбедност Џејк Саливан одговараше на прашања на новинарите на прес-конференција во Белата куќа.

Наведувајќи дека обезбедуваат воена помош за Украина според нејзините потреби на терен, Саливан истакна дека на Украина ѝ е потребно артилериско оружје за да продолжи со своите операции.

Саливан изјави дека „Украина нема да се остави без одбрана“ и говореше за причините за давање касетна муниција на Украина.

Тој рече дека Русија користи касетни бомби за напад на Украина од почетокот на војната и сугерираше дека стапките на грешка на касетните бомби што ги користи Русија се околу 30-40 отсто. „Во оваа средина, Украина бара касетна муниција за одбрана на својата суверена територија“, рече Саливан.

Изјави дека стапката на грешка на касетната муниција што треба да ја испорачаaт САД нема да биде поголема од 2,5 отсто.

Напоменувајќи дека се во блиска соработка со Украина по ова прашање, Саливан додаде: „Украина е одлучна да продолжи со напорите за деминирање по судирите за да ја минимизира секоја потенцијална штета по цивилите, а тоа ќе биде неопходно без оглед на тоа дали САД ќе обезбедат муниција.“