САМИТОТ СО ПУТИН – Јужноафриканскиот претседател повика на рестартирање на иницијативата за жито во Црното Море

Јужноафриканскиот претседател Кирил Рамафоса повика на рестартирање на иницијативата за жито во Црното Море за време на самитот со рускиот претседател Владимир Путин.

Како што пренесува Би-Би-Си, тој ја поздрави понудата на Русија да испрати до 50.000 тони бесплатно жито во шест африкански земји, но рече дека е неопходно да се отвори Црното Море.

„Предложивме да се спроведе Црноморската иницијатива за жито, разговаравме за потребата од отворање на Црното Море. Не дојдовме да бараме некакви „подароци“ за африканскиот континент“, рече Рамафоса.

Тој се осврна и на одлуката на Путин да донира жито на африканските земји кои се соочуваат со одредени тешкотии.

„Го третираме ова со голема почит. Сепак, тоа не е нашата главна цел овде, тоа не е нашата главна задача – да добиеме некаков вид на залиха од ваква природа“, нагласи тој.

И претседателот на Комисијата на Африканската унија, Факи Махамат, вчера изјави дека прекините во снабдувањето со енергија и жито мора веднаш да престанат.

„Договорот за жито мора да биде продолжен за доброто на сите народи во светот, особено на Африканците“, рече тој.