Сателитски снимки од апокалипсата; Градот гори
Во големите пожари што го зафатија хавајскиот голем остров Мауи, градот Лахаин, каде живеат околу 13.000 луѓе, целосно е уништен. Беа објавени и сателитски снимки.
Засега е познато дека шест лица загинале во пожарот кој се уште неконтролирано се шири.
Целиот град е евакуиран, а судејќи според фотографиите и видеата објавени на социјалните мрежи, речиси целиот град е буквално изгорен.
Видеата беа објавени од жителите на Лахаина, повикувајќи се на ужасни сведоштва.
„Веќе ја немаме Лахаина. Ја нема“, изјави еден жител за Си-Ен-Ен.
Надлежните ги советуваа туристите што поскоро да го напуштат опожарениот град и целиот остров.
Гувернерот на Хаваи Џош Грин рече дека нема доволно засолништа за долгорочен престој и дека противпожарните засолништа се достапни само неколку дена.
„Она што се обидуваме да го направиме сега е да се погрижиме секој што нема потреба да биде на Мауи, да не оди во Мауи. Ќе ги пречекаме туристите кога ќе завршат пожарите. Ни требаат што повеќе хотелски соби и други засолништа што е можно повеќе за да ги сместиме нашите луѓе“, рече тој.
Објавени се и фотографии направени од воздух, на кои јасно се гледа колку градот е уништен.
Купишта урнатини што издигнуваат чад лежат натрупани покрај брегот, бродовите во пристаништето изгорени.
„Тоа е ужасно. Летам овде 52 години и никогаш не сум видел нешто слично. Плачевме, другите пилоти, механичарот и јас.
Жителот на Мауи, Даниел Саливан, изјави за CNN дека сцените биле апокалиптични. Тој раскажа како се качил на покривот од куќата во која живее со своите деца и гледал како се приближуваат пламените јазици, а тие не можеле да избегаат бидејќи патиштата биле блокирани.
Пожарот на крајот не стигнал до неговата куќа, но ги проголтал домовите на многу негови пријатели.
„Пожарот блокираше сè, а засолништата каде што одеа луѓето мораа да бидат евакуирани бидејќи пожарот ги зафати и нив. Тоа беше апокалипса. Никогаш не сме виделе такво нешто“, рече тој.
Националната метеоролошка служба соопшти дека ураганот Дора, кој минувал јужно од островот и со удари на ветер од повеќе од 60 милји на час, е делумно одговорен за пожарот.
