САЊА КУЖЕТ ОЧЕКУВА ТРЕТ СИН, И ЕВЕ ЗОШТО НЕ СЕ ОМАЖИ ЗА ТАТКОТО НА ДЕЦАТА: Водителката ја откри вистината „Долго време сме заедно…“
Како бомба денеска одекна веста дека Сања Кужет е во блажена состојба и дека го чека третиот син. Оттогаш сите се прашуваат кој е Немања Живојиновиќ, избраникот на водителката, кој ретко се гледа во јавноста, а на кого Сања наскоро ќе му подари уште еден наследник.
Малкумина знаат дека најубавата српска водителка се уште не го кажала судбоносното „да“ на својот избраник, иако со години живеат заедно.
Сања откри дека само еднаш во животот облекла венчаница, а тоа била на венчавката со нејзиниот прв сопруг Зоран Пајпер со кој се омажила додека била бремена. За причините поради кои се уште не му кажала „да“ на Немања Живојиновиќ таа во емисијата „Балканско уликом“ проговори.
– Бев во друга состојба кога се омажив за прв пат. Убави спомени, мислам искрено, беа навистина важни и убави работи за мене во тој момент. Вториот пат не облеков венчаница, не затоа што јас и мојот партнер не сакавме тоа да се случи, туку едноставно поради некој чуден сплет на околности. Од кога се собравме постојано твориме, градиме, планираме и нешто ни се случува нон-стоп. Навистина немавме одмор во таа смисла да се справиме со таа свадба. Тогаш сите други животни работи и околности всушност не научија дека сè друго што правиме е многу поважно од тој еден чин и тој ден. Така да не бегаме од тоа, кој знае, можеби во одреден момент ќе се случи, но и за нас е супер – изјави Сања во авторската емисија на Весна Дедиќ.
Таа се заљубила во Немања пред нејзиниот прв брак , но се вратиле заедно години подоцна.
– Бевме во врска во раните дваесетти. Кога повторно се сретнавме десет години подоцна, ги прескокнавме воведите и предрасудите, па сè беше полесно. Доволен е еден поглед за да се разбереме, без премногу да објаснуваме и да трошиме енергија на ситни работи – објаснила Кужетова во едно интервју, додека за Гранд открила зошто не го разголува својот љубовен живот.
Како што многумина очекуваа да го видат нејзиниот избраник во бекстејџот за време на финалето на „Ѕвезда Гранда“, Сања откри зошто не се појавил и дали навистина го крие од јавноста.
– О не, долго време сме заедно . Се движиме и излегуваме нормално, нема зошто некој некого да крие. Само не мислам дека тој припаѓа во финалето. Тоа е моето работно место и тој навистина никогаш не дојде на мојата работа. Тоа не е ни дел од неговата професија, но кога ќе не видат заедно на некои настани, нема проблем да се сликаме – изјави Сања.
