СДСМ и ВМРО заедно против нови имиња во Тетово
– За именувањето улици во Тетово продолжуваат да се противат македонските партии во Тетово. Социјалдемократската партија на Македонија соопшти дека се повлекува од сите групи и општински структури кои се занимаваат со процедури за именување на улици. СДСМ, партија претставена од двајца советници во Советот на општина Тетово, го обвини Касами дека не ги слуша повиците на јавноста дека именувањето улици не е приоритет. Во оваа насока беше и реакцијата на ВМРО-ДПМНЕ, која порача дека советниците на оваа партија нема да гласаат за промена на имињата на македонските херои во сите фази на државата. Од оваа партија дури потсетија на изјавата на премиерот Мицкоски дека нема да преиспита одлука за која нема консензус.
Овие коментари ги дадоа двете македонски партии за време на политичките пресметки меѓу нив. Во меѓувреме, градоначалникот на Тетово рече дека постапката за именување на улици е еден од најважните процеси во општина Тетово и оти се почитуваат сите Закони. Според него, многу улици во Тетово сè уште немаат ниту бројки ниту имиња и затоа овој процес треба да биде поддржан од сите граѓани.
„Да прејудицирав дека некои улици ќе се именуваат, некои нема да се именуваат, но старите имиња ќе останат, тоа ќе беше затоа што јас сум вклучен во процесот и како градоначалник управувам со овој процес, но орган на одлучување е Советот на општината. Советот на општината формираше комисија, комисијата го објави огласот и целиот процес се одвива според законот. Во ниту еден момент не прејудицирам каков ќе биде исходот од овој процес, но она што е мое барање, но и на сите граѓани на Тетово, е на крајот од овој процес секоја улица да има име и секоја куќа да има број“, рече Касами. Според него, откако комисијата ќе ја заврши работата, ќе треба да поднесе извештај до Советот на општината.
„Мислам дека тоа е најдемократската форма на именување на улици во согласност со законот. Aко Советот на општината е од сите политички и етнички партии и донесе одлука улицата да има име, јас ќе ја почитувам таа одлука, така што мислам дека тоа е демократски процес“, изјави Касами.
Инаку, откако е формирана комисијата за именување на улиците во општина Тетово, македонските политички партии, организациите и други здруженија постојано отворено излегуваат против промена на имињата. Иако се малцинство во општина Тетово, Македонците се погласни кога се во прашање етничките теми. Овојпат отворено излегоа против имињата на улиците. Во работната група во општина Тетово, претставниците на албанските политички партии имаат единство меѓу себе.
