Се знае каде Путин ќе го празнува Велигден: Потврди и портпаролот на Кремљ

Рускиот претседател Владимир Путин следната недела традиционално ќе го прослави Велигден во црквата, изјави за РИА Новости портпаролот на рускиот лидер Дмитриј Песков.

-Да. Тој тоа го планира. Дополнително ќе ве информираме, рече Песков.

Путин само двапати ја пропушти велигденската богослужба во катедралата Христос Спасител. Во 2003 година, шефот на државата не дојде во катедралата на Руската православна црква на Велигден. Потоа присуствуваше на велигденската богослужба во црквата Свети Никола во Душанбе.

Во 2020 година, Путин ја пропушти велигденската богослужба во црквата на Христос Спасителот поради заканата од ширење на корона вирусот – првпат по 17 години. Шефот на државата потоа вечерта запали свеќа во мала капела, која се наоѓа на територијата на претседателската резиденција Ново-Огарјево.