“СЕ МОЛЕВ 20 ГОДИНИ ЗА ТОА!“ – Џенифер Лопез и Бен Афлек се повторно заедно само ‘благодарение’ на мајката на латино-дивата

Гвадалупе Родригез, мајката на латино-дивата Џенифер Лопез, очигледно е главната причина за повторното обединување на нејзината ќерка со поранешниот вереник Бен Афлек, речиси 20 години по нивната разделба.

Гвадалупе Родригез, која ја придружуваше својата ќерка на промоцијата на нејзиниот нов филм „The Mother“, нагласи дека – „знаела дека таа и Афлек ќе бидат заедно бидејќи се молела 20 години тоа да се случи“.

За важниот настан Џенифер Лопез облекла проѕирна тиркизна блуза и соодветно кожено здолниште во истата боја, а косата ја собрала во пунџа, пишува магазинот Glamour.

Пејачката, исто така, навести дека нејзиниот претстоен албум „This Is Me… Now“ е за нејзината повеќедецениска врска со актерот.

„Поминав низ разни работи во мојот живот во изминатите 20 години и мислам дека многу созреав“, признала таа.

„Албумот всушност е за доловување на тие моменти во времето. Да се ​​заљубиш и да го имаш тој момент, а потоа 20 години подоцна да се обидуваш да доловиш каков бил тој момент, тоа е сосема поинаква работа“, објаснила таа.

Да потсетиме дека Џенифер Лопез и Бен Афлек прв пат започнаа врска во 2002 година, а се верија во 2003 година, но венчавката никогаш не се реализираше. Тие објавија дека се разделуваат на почетокот на 2004 година, а во пролетта 2021 година, парот ја обнови својата романса и конечно се венча во 2022 година.