Се огласи Илон Маск откако доби уште едно дете: Има 11 НАСЛЕДНИЦИ, син му почина, ќерка му ГО ОДБИ ПРЕЗИМЕ, а еве зошто го сметаат за ФАНАТИК ЗА НАТАЛИТЕТ
Милијардерот и најбогат човек на планетата Илон Маск објави по веста дека повторно стана татко и сега има единаесет деца. Интересен е неговиот одговор за новодојденото семејство кое воопшто не е имуно на скандали. Што се знае за бизнисменот како татко?
Илон Маск потврди дека неодамна добил трето дете со извршната директорка на Neuralink, Шивон Зилис, кој работи во неговата компанија за мозочни импланти.
„Што се однесува до тоа дека повторно станав татко во тајност, тоа не е вистина, сите наши пријатели и семејството знаат. Необјавувањето на соопштение за печатот, што би било бизарно, не значи „тајно“ “, рече Илон Маск, кој немаше намера за криење на добри вести, но сè уште нема информации за полот и името на бебето.
Детето е родено на почетокот на оваа година и за првпат беше објавено од Блумберг во извештајот „Илон Маск сака уште деца“. Во написот се дискутира за загриженоста на сопствениците на платформата X и компанијата Телса за падот на населението.
„Намалувањето на наталитетот е убедливо најголемата опасност со која се соочува цивилизацијата“, напиша тој претходно на мрежата Х (Твитер).
За Илон Маск се вели дека е фанатик кога станува збор за можен „колапс на населението“, тој верува дека тоа е поголем ризик за светот отколку глобалното затоплување.
Ова беше очигледно во неодамнешниот разговор на Маск со холандскиот десничарски лидер Герт Вилдерс, кога политичарот предупреди на колапс на западните вредности во неговата земја благодарение на отворените граници, став што го делат и другите популисти на ЕУ.
„Се согласувам, но ако стапката на наталитет остане ниска, вашата нација сама ќе изумре. Многу земји се веќе далеку под стапката на замена, а трендот покажува дека скоро сите ќе стигнат до тоа. Ова е едноставно факт, а не демант теорија “, рекол тој порано.
Во интервјуто со Такер Карлсон во 2023 година, Маск го имаше истиот став: „Дали цивилизацијата ќе заврши со тресок или лелекање? Па, во моментов се обидува да заврши со лелекање во пелени за возрасни, што е депресивно“.
Бирото за попис на САД не се согласува со ваквите ставови. Пред 100 години имало две милијарди луѓе, а минатата година бројката надминала осум милијарди. Бројките на Обединетите нации предвидуваат дека бројот ќе продолжи да се зголемува на 10 милијарди до 2100 година – па дури и колапс е малку веројатен, пишува Дејли Меил.
