„СЕ ПЛАШАМ ДЕЦАТА ДА НЕ МИ УМРАТ ОД ГЛАД“ Израелската опсада на Џабалија – 100.000 луѓе во опасност додека гранати паѓаат врз најголемиот бегалски камп!
Израелската армија го опколи бегалскиот камп Џабалија на северот на Газа, каде 100.000 луѓе се без функционална болница, им се заканува глад, а ситуацијата е катастрофална поради интензивното гранатирање.
Израелската армија го опколи бегалскиот камп Џабалија и додека фокусот на нејзината копнена офанзива се чини дека е на југ, таа истрела стотици тенкови гранати врз северниот камп во Газа каде 100.000 луѓе се без функционална болница и се во опасност од глад.
Ситуацијата во најголемиот бегалски камп е исклучително тешка, израелски тенкови го опколија густо населената област.
Локалните власти управувани од Хамас соопштија дека се уште има околу 100.000 луѓе во бегалскиот камп кои немаат функционална болница и се во опасност од глад.
Ниту една помош не стигна до северот откако се распадна хуманитарното примирје, а многу малку храна и гориво беше дозволено додека траеше.
Педесет и шестгодишната Ханан Алтурок, мајка на осум деца, која живее во близина на Џабалија, сведочи за катастрофалната состојба и стравува дека нејзините деца ќе умрат од глад.
– За време на прекинот на огнот се преселивме во болница, мислевме дека е побезбедно од мојата куќа, но вчера гранати паднаа внатре во местото и моравме да трчаме под оган – изјави таа за Би-Би-Си.
– Мојот сопруг Махер беше убиен на 29 ноември додека се обидуваше да купи храна на локалниот пазар, не знам што да правам и каде да одам, немам пари и храна, а многу малку вода за пиење.
– Се плашам дека моите деца ќе умрат од глад – рече таа.
Главниот администратор на Министерството за здравство на Хамас, Др. Мунир Ал Бурш рече – Вчера ископавме масовна гробница на пазарот Џабалија за повеќе од 100 маченици, чии тела загинаа во опколената болница Камал Адван.
– Ниту една северна болница не е во функција, вклучително и последната функционална болница Камал Адван, која беше силно бомбардирана од артилериски гранати – рече тој.
