СЕ ПОЈАВИЈА НОВИ ДЕТАЛИ- Таткото на убиецот на учениците во белградско училиште чувал арсенал оружје во својот стан

Таткото на Коста Кецмановиќ (13) се уште е во притвор и го чека сослушувањето во Вишото јавно обвинителство во Белград.

Како што пренесуваат медиумите, полицијата пронашла дури пет пиштоли во сефот на познат радиолог во станот. Неговиот син донел два пиштоли на училиште. Тој пукал прецизно со CZ99 и во таа прилика убил 8 студенти и чувар. Другиот пиштол не го употребил, а во неговиот ранец биле пронајдени уште 4 молотови коктели.

Ана Симоновиќ за српските медиуми изјавила дека момчето кое вчера го изврши масакрот во белградското училиште не можело да стекне искуство само во три патувања до стрелиштето и дека за толку кратко време не можел да научи да пука толку прецизно, како беше кажано претходно.

Како што прецизираше Симоновиќ, кој вообичаено има сертификати за ракување со речиси сите видови огнено оружје, момчето поминало обука, но не на стрелиште, туку активно тренирало во “Airsoft”, што е воено-тактичка симулација, а тоа го искористило за целите на ова кривично дело .

Таа објасни дека таткото на момчето го донел на тренинзите на “Airsoft“ и тренирале заедно, што, како што рече, „е денешна антистрес игра“ и нема старосна граница, исто како и „пејнтбол“. Симоновиќ истакна дека според неа нема никакви недостатоци во српскиот Закон за поседување оружје и муниција, дури смета дека законот е престрог.

Инаку, резултатот од токсиколошкиот тест на Кецмановиќ, кој во ОУ „Владислав Рибникар“ уби осум и повреди седум лица, е негативен, што значи дека во моментот на делото не бил под дејство на никакви супстанци.