СЕ СРУШИ ВОЕН ХЕЛИКОПТЕР: Исчезнаа четворица членови на екипажот
Се стравува дека четворица членови на екипажот загинале во падот на воениот хеликоптер на австралиските одбранбени сили.
Инцидентот се случи за време на заедничката воена вежба на австралиските и американските сили кај островот Линдеман во петокот вечерта.
Министерот за одбрана Ричард Марлс на прес-конференција изјави дека веднаш е започната мисија за пребарување и спасување.
– Допрва треба да се најдат четворица членови на екипажот – рече тој.
Според него, хеликоптерот MRH-90 Taipan се урнал околу 22:30 часот по локално време.
