СИЛНИОТ ВЕТЕР КОРНЕШЕ ДРВЈА И ДАЛНОВОДИ: Силно невреме во Словенија, летаа и кровови (ФОТО)

Делови од Словенија во петокот вечерта ги зафати силно невреме, придружено со врнежи и силен ветер.

Ветерот и дождот создадоа проблеми особено во североисточниот дел од земјава.

На места ветерот носел покриви од куќи и соборувал дрвја, а на места поплавени се и подрумски простории.

Во некои делови на Словенија снема струја, јавува РТВ Словенија.

Шефот на општина Света Тројица во Словенске Горице, Давид Клобаша на Фејсбук објави дека во невремето се оштетени 11 далноводи, па се очекува подолг прекин на струја.

Ветерот собори дрва и во Целје, а интервенираше и противпожарната единица која соопшти дека ситуацијата е под контрола.

Портокаловото предупредување важи за цела Словенија, освен за југозападниот дел на земјата.