Силно невреме ја зафати Србија, Нови Сад под вода! Пожарникарите евакуираа луѓе, реките се слеваат по улиците (фото)

Нови Сад под влијание на силни врнежи со грмежи.

Силниот дожд кој денеска пред 19 часот започна во Нови Сад предизвика проблеми во сообраќајот.

Бројни улици во градот беа поплавени по само неколку минути врнежи од дожд.

Пожарникарите-спасувачи евакуираа две лица од покривот на поплавен автомобил на улицата Партизанска во Нови Сад и уште едно лице во Коцељева, каде беа поплавени повеќе објекти.

Ненадејна бура по сончев ден ја погоди Војводина, па град со големина на орев падна во некои делови од околината на Нови Сад и Беочина.

Метеоролозите најавија дека невремето ќе ја зафати и западна Србија, додека Белград ќе биде заобиколен.