СИТЕ ДЕТАЛИ ЗА НАПАДОТ ВО МОСКВА: Над 60 мртви, потрагата по терористите продолжува, избегале во бело рено, спасувачите затекнаа ужасни сцени во тоалетот на салата (ВИДЕО)
Според неофицијални информации, повеќе од 60 лица загинале во терористичкиот напад во концертната сала Крокус во Москва!
Во болница се хоспитализирани 115 лица, од кои 60 се во тешка состојба. Министерството за здравство потврди дека меѓу загинатите има и три деца.
Група од пет терористи, да потсетиме, упадна во концертна сала во северозападниот дел на Москва во петокот околу 20:00 часот по московско време .
Напаѓачите влегле во еден од споредните влезови и веднаш отвориле оган врз луѓето во салата, по што крвавиот пир продолжил во концертната сала на првиот кат, каде требало да започне концертот на рок групата „Пикник“.
— Pluton (@Pluton45873221) March 23, 2024
Потоа подметнале пожар во салата и побегнале со истото бело „рено“ во кое дошле.
Пожарот брзо се проширил од концертната сала до целата зграда, го зафатил и кровот, а гаснењето од воздух не можело веднаш да започне бидејќи се стравувало дека на последниот кат има многу луѓе. Хеликоптерите потоа испуштија 160 тони вода за да го локализираат пожарот, кој сè уште не беше целосно изгаснат до раните утрински часови во саботата.
Напаѓачите, кои биле облечени во маскирни одела и не носеле маски, пукале во присутните со „калашникови“ и скратени ловечки карабини. На местото на терористичкиот напад безбедносните сили пронашле оружје и муниција од калибар 5,45 за Саига и 7,62 за А.К. Очевидци наведуваат дека некои од терористите носеле и канистри со запалива течност.
— Pluton (@Pluton45873221) March 23, 2024
Телеграмскиот канал SHOT наведува дека на концертот бил и пратеникот во Думата, Ајдар Метшин, кој успеал да побегне неколку минути пред терористите да упаднат во салата.
– Ме спаси тоа што бев практично блиску до сцената во вториот ред. Се евакуиравме преку бината, а потоа и преку официјалниот влез пред терористите да влезат низ споредната врата и да почнат да пукаат. Заминавме преку службениот влез и не знаевме дали ќе не нападнат одзади – изјави Метшин.
Концертната сала вообичаено има повеќе од 6.000 седишта и сите билети се распродадени. Засега не е познато колку луѓе имало внатре во салата во моментот на нападот. Медиумите јавуваат дека во тој момент се одржувал и балски натпревар на вториот кат.
Телеграмскиот канал SHOT објави дека многу тела биле пронајдени во тоалети и помошни простории каде луѓето барале засолниште од истрелите. Само во еден тоалет се пронајдени 10 тела без повреди, што значи дека се задушиле од чадот.
— Pluton (@Pluton45873221) March 23, 2024
Одговорноста за нападот ја презеде Исламска држава, но засега нема официјална потврда за оваа информација.
– Борците на Исламската држава нападнаа голем собир на христијани во градот Красногорск, предградие на руската престолнина Москва. Тие убиле и раниле стотици и предизвикале големо уништување пред безбедно да се повлечат во своите бази, соопшти ИСИС на својот канал на Телеграм.
Повеќе од 50 земји досега испратија сочувство до Русија.
Администрацијата на американскиот претседател Џо Бајден изрази сочувство до Москва и го осуди терористичкиот напад.
Портпаролката на Советот за национална безбедност на Белата куќа Адриен Вотсон изјави дека Вашингтон имал информации за планиран терористички напад во Москва на почетокот на март.
— Pluton (@Pluton45873221) March 23, 2024
– Владата на САД сподели информации со руските власти во согласност со својата долгогодишна политика – рече Вотсон.
Бајден се уште не се огласил.
Терористичкиот напад во Красногорск го осуди и францускиот претседател Емануел Макрон.
– Макрон најостро го осудува терористичкиот напад – пренесува АФП, повикувајќи се на Елисејската палата.
Француското Министерство за надворешни работи претходно изрази солидарност со Русите по терористичкиот напад во Красногорск.
