Скандал го тресе европскиот ракомет: Итна истрага поради чудесниот гол кој ги однесе Французите во финалето! Швеѓаните вријат од гнев!
Натпреварот за аналите беше виден во полуфиналето на овогодинешното Европско првенство во ракомет.
Французите ги совладаа Швеѓаните по продолженијата со резултат 34:30, а натпреварот го одбележа еден од најконтроверзните голови во историјата на овој спорт.
Французите брилијантно го отворија натпреварот, на полувремето имаа огромни +6 (17:11), но Швеѓаните блеснаа во продолжение, направија чудесен пресврт и во последната минута заминаа со два гола предност 27:25.
Французите прво ја намалија негативата, а потоа направија невидено чудо.
Со истекот на времето, тие беа фаулирани на 10 метри од голот на Шведска. Тогаш Елаим Пранди успеа да го направи невозможното. Ја зеде топката, шутираше покрај живиот ѕид и ја затресе мрежата за продолженија.
Тој гол целосно ја здроби Шведска, која го загуби водството во продолженијата и на крајот доживеа болен пораз.
Сепак, се покажа дека спектакуларниот гол на Пранди е НЕРЕГУЛАРЕН.
Имено, правилата велат дека играчот кој изведува слободен удар со едната нога мора да ја допира земјата додека не ја ослободи топката од раката. Не смее да ја смени ногата за спуштање – ако ја подигнал десната, не може да застане на неа, а потоа да ја крене левата… И токму тоа го направи Французинот. Ја подигна десната нога, па ја спушти на земја, се префрли на десната страна и ја подигнал левата нога.
Судиската двојка од Македонија, Славе Николов и Ѓорѓи Начевски трабаа да го поништи овој гол.
По шокантниот пораз, Швеѓаните се пожалија до ЕХФ, која и официјално потврди дека ја добила жалбата. Истрагата е во тек и наскоро се очекува одлука од чадорот на европскиот ракомет.
„Разговаравме со раководството на здружението, но и со играчите и проценивме дека мора да поднесеме жалба бидејќи не е направена ВАР анализата. Не знаеме до што води ова, но важно ни е да застанете во одбрана на нашите вредности и фер-плеј “, велат од шведскиот табор.
Шведскиот репрезентативец Џонатан Карлсбергард жестоко ,,пукаше” кон судиите.
„Не знам за што се користи ТВ-екранот на кој ВАР, ако не гледале ниту една од трите контроверзни ситуации во последните 18 секунди. Мислам дека тоа е скандал “, изјави огорчениот шведски играч.
