СКАНДАЛ НА НАЦИОНАЛНАТА ТЕЛЕВИЗИЈА: Водителот примил поткуп од 345.000 евра!
Суспендиран е и директорот на телевизијата.
Националната телевизија на Ирска е вовлечена во вистинска драма поради тајните плаќања на водителската ѕвезда.
„The Late Late Show“ стана најгледаното шоу во Ирска. Приказните за тајните и лагите на познатите ја воодушевија јавноста, а некои сметаат дека тоа е најинтересната емисија што ја прикажуваше РТЕ.
Сепак, иднината на телевизијата сега е доведена во прашање. Телевизиската куќа моментално е потресена од серија скандали околу тајните плаќања на водителот Рајан Турбидаи, кој го водеше „The Late Late Show“. Откриено е дека Рајан добил 345 илјади евра скриени исплати како додаток на неговата редовна плата од 2017 до 2020 година.
Откритието предизвика бес кај претплатниците бидејќи РТЕ се финансира од нивните пари, а во претходните години раководителите на телевизијата даваа лажни изјави за платата на ѕвездата. Ирскиот премиер Лео Варадкар рече дека законите можеби биле прекршени.
Некои од овие плаќања можеби биле на погрешната страна на законот – им рече тој на новинарите.
Извршниот директор на телевизијата Ди Форбс беше суспендиран минатата недела и оттогаш поднесе оставка. Финансискиот директор Ричард Колинс првично одби да ја открие својата плата, но подоцна рече дека не ја знае вистинската сума.
Мислам дека тоа е приватна работа. Не знам точно колкава ми е платата, не ми е ни на ум во моментов – рече тој.
Една недела пред скандалот Турбидаји се повлече од шоуто
Кога беше притиснат да ја открие колкава плата прима, Колинс рече дека верува дека неговата плата е „околу 200.000 евра, плус бонус за автомобил од 25.000 евра“. Колинс рече дека даночните обврзници „можеби биле измамени“ поради непријавени плаќања на Турбидаји и дека годишната плата на Рајан била повеќе од 500.000 евра годишно.
На местото на Рајан дојде комичарот Патрик Килти, кој веднаш откри дека за својата работа ќе добива по 250.000 евра годишно и дека сам ќе си ги плаќа патувањата и сместувањето.
