Сос од кромид: Наједноставен начин да му дадете нов вкус на старото јадење
Сосот од кромид ќе им даде на јадењата богат, зачинет и малку сладок вкус.
Сосот од кромид одлично ќе заокружи многу јадења и ќе им додаде сочност, а многу лесно се прави.
Полн со вкус и го должи на главната ѕвезда – карамелизираниот кромид, но и на говедско месо, црвеното вино и зачините. Одлично оди со колбаси и печени, со пржено пилешко, говедско, пире од компири и варен зеленчук, а Британците ќе го послужат и со пити од месо или зеленчук.
Ќе ви требаат само десет минути за да го подготвите овој сос , но ќе треба да се готви уште еден час. Сепак, вреди секоја минута бидејќи сосот од кромид ќе им даде на јадењата богат, зачинет и малку сладок вкус.
Состојки за сос од кромид:
- 25 гр путер
- 1 лажица маслиново масло
- 1 ловоров лист
- 2 гранчиња мајчина душица
- 4 главици кромид, исечени (црвени или бели, или смеса)
- 1 лажичка шеќер
- 1 лажица брашно
- 2 лажички црвен вински оцет
- 500 мл супа од говедско месо (или супа од зеленчук)
Подготовка на сос од кромид:
- Загрејте ги путерот и маслиновото масло во голема тава на средна топлина, додајте го ловоровиот лист и мајчина душица и варете една минута за да внесете вкусови. Додадете го кромидот и добро измешајте го во путерот и маслото, додадете шеќер, сол и динстајте на тивок оган 45-50 минути, повремено мешајќи.
- Додадете брашно и добро измешајте. Гответе една минута, а потоа додадете го оцетот, зголемете ја топлината и варете околу 2 минути, нежно мешајќи. Истурете ја супата, зголемете го огнот и оставете го да зоврие, па намалете го огнот и варете уште 6-8 минути додека сосот не стане густ.
