Спречен атентат на главниот урредник на РТ: Ми го подготвија убиството, ме следеа со денови, ги знаеја сите мои адреси! ФСБ ги откри деталите (фото)

Федералната служба за безбедност и полицијата, ги спречиле украинските специјални служби да ги подготват убиствата на главната уредничка на медиумската група РТ, Маргарита Симонјан и блогерката Ксенија Собчак.

– Федералната служба за безбедност, заедно со Истражниот комитет и Министерството за внатрешни работи на Русија, ги спречија украинските специјални служби да го подготват убиството на главниот уредник на телевизискиот канал RT и Меѓународната новинска агенција ,,Русија денеска”, Маргарита Симонјан – соопшти ФСБ, додавајќи дека според информациите се подготвувало и убиството на Ксенија Собчак.

Тајната служба додаде дека претходниот ден во Москва и во регионот на Рјазан биле приведени членови на неонацистичката група „Параграф-88“, а ги шпионирале „работните и станбените адреси“ на Симонјан и Собчак.

– Во текот на истрагата тие потврдија подготовка на обид за атентат по инструкции на СБУ за награда од милион и пол рубљи за секое убиство – додава ФСБ.

Сега се вршат неопходните оперативно-истражни и истражни дејствија.

– Од приведените одземени се автоматска пушка „калашников“, 90 куршуми, ножеви, боксерски ракавици, гумени палки, лисици, знамиња со нацистички симболи, нацистичка литература, комуникациска опрема и компјутери со податоци што ги потврдуваат нивните криминални намери – соопшти службата за безбедност.

Истражниот комитет на Руската Федерација планира да покрене случаи против приведените со „екстремистички и терористички призвук“.

Симонјан го коментираше обидот за атентат.

– ФСБ заедно со Министерството за внатрешни работи и Истражниот комитет приведоа група која го подготвуваше моето убиство по наредба на Украина. Ме следеа и ги знаеја сите мои адреси. Ајде да работиме браќа – напиша главната уредничка на РТ на својот профил на социјалните мрежи.

РИА наведува дека ова не е прв обид на украинските специјални служби да ја убијат Симонјан и други познати руски новинари.

Минатата пролет, ФСБ објави апсење на шестмина членови на неонацистичката терористичка организација „Бела сила“, кои наводно го планирале убиството на новинарот на ВГТРК, Владимир Соловјов, по наредба на Службата за безбедност на Украина.

ФСБ доби докази дека членовите на групата разговарале за можноста за убиство на Симонјан и други новинари.