Србин го убил дизајнерот на Ролс Ројс! Го избодел пред куќата, па избегал во Франција!

Осомничениот Србин, кој побегна во Франција од Германија пред да биде уапсен, е снимен неколку часа пред смртта на Камерон во супермаркет недалеку од местото на злосторството.

Србин (22), главен осомничен за убиството на дизајнерот на Ролс Ројс во Германија минатата недела, е уапсен во Франција по меѓународна потера. Се уште не е познат мотивот за нападот.

Иан Камерон, легендарниот дизајнер на Ролс Ројс, беше пронајден мртов во петокот вечерта во неговиот дом на Амерси во Баварија.

Србин е осомничен дека избодел до смрт пензиониран дизајнер пред влезната врата од неговата куќа на 12 јули.

Осомничениот Србин, кој побегнал во Франција од Германија пред да биде уапсен, бил снимен неколку часа пред смртта на Камерон во супермаркет недалеку од местото на злосторството, јавуваат германските медиуми.

Неговиот црвен ранец е пронајден на шеталиштето покрај езерото, а Билд пишува дека при претресот во шумата е пронајдено и оружјето со кое се случило злосторството.

Според медиумите, за време на нападот наводно ништо не било украдено.

„Многу ретко се случува некој да заѕвони на вратата, да нападне станар, а потоа да го избоде со нож. Во повеќето случаи, во таквите злосторства, секогаш постои врска меѓу сторителот и жртвата“, изјавил полицаец за Билд.

Србин уапсен во Париз
Благодарение на дојава од јавноста, беше утврден идентитетот на 22-годишниот Србин. Инспекторите успеале да откријат дека осомничениот избегал преку Минхен, Инсбрук (Австрија), Цирих (Швајцарија) на север од Париз.

Тој беше уапсен од француските специјални сили во неговиот стан во Париз во четвртокот. Велат не пружал отпор.

„Вредните информации добиени по јавната потера значеа дека успеавме брзо да го идентификуваме осомничениот. Ова беше камен-темелник за неговото брзо апсење во странство“, рече главниот офицер за криминал Манфред Фреј.