Јапонскиот архипелаг Изу денеска беше погоден од земјотрес со јачина од 6,6 степени. Официјалните лица веднаш издадоа предупредување за цунами , кое подоцна беше повлечено, јавува јапонската агенција Kyodo. Епицентарот на земјотресот бил на островот Торишима , на околу 580 километри јужно од Токио.
Јапонската метеоролошка агенција соопшти дека епицентарот на земјотресот бил во морето на длабочина од 10 километри.
Земјотресот не беше почувствуван на околните острови и во регионот на Токио , но метеоролошката агенција предупреди дека цунами високо до 1 метар може да ги погоди крајбрежните области на островот. Предупредувањето подоцна беше повлечено.
Само помало цунами од околу 30 сантиметри е забележано на островот Хачиџо, на околу 290 километри јужно од Токио, објави Јапонската метеоролошка агенција.