Студент во САД по грешка се обидел да влезе во погрешна куќа на својата улица и бил убиен

СТУДЕНТ на Универзитетот во Јужна Каролина бил застрелан и убиен откако бил помешан за провалник додека се обидувал да влезе во погрешна куќа на неговата улица. Студентот, идентификуван од страна на округот Ричленд како Николас Ентони Донофрио, ја започна својата втора година на универзитетот минатата недела.

Донофрио, роден во Конектикат, беше убиен во саботата рано наутро во дом на неколку блока од универзитетскиот кампус во Колумбија. Полицијата вели дека првично биле повикани за сомнителна кражба, но кога стигнале до имотот, го пронашле телото на жртвата на предниот трем.

Покрената е истрага

„Непосредно пред 2 часот по полноќ денес, полицајците беа испратени во блокот 500 на улицата Саут Холи за пријавена инвазија во домот. Додека бевме на пат, добивме уште една пријава за истрели, прострелна рана во горниот дел од телото“, соопшти градската полиција. 

„Прелиминарните информации покажуваат дека Донофрио, кој живеел на улицата Саут Холи, се обидел да влезе во погрешен дом кога бил смртно застрелан“, додаде полицијата. Покрената е истрага за инцидентот, но лицето кое го повлече чкрапалото се уште не е именувано, пишува Индипендент .