Судијата ја објави пресудата за поранешниот австриски канцелар: „Виновен е Себастијан Курц“
Себастијан Курц беше прогласен за виновен за давање лажни изјави. Тој е осуден на 8 месеци условна затворска казна. Судијата Михаел Радаштиќ ја објави пресудата во петокот вечерта по конечните изјави на сведоците. Одлуката се уште не е правно обврзувачка.
По дванаесет дена расправа, судот во Виена ја донесе својата пресуда за судењето на поранешниот австриски канцелар Себастијан Курц.
Така, како што пренесуваат странските медиуми , продолжува Телеграфи, тој е осуден за лажни изјави во собраниска истрага.
Курц поднесе оставка во 2021 година по посебна истрага за корупција.
Обвинителите, во судскиот процес што започна во октомври, го обвинија 37-годишникот за лажно сведочење во јуни 2020 година за време на истрагата за неговата улога во основањето на компанија наречена OeBAG.
Тој е испрашуван и за лажни тврдења во истата истрага за назначувањето на неговиот поранешен близок доверник Томас Шмид на лидерска позиција.
Според Асошиетед прес, приватна копија од обвинението вклучува инкриминирачки текстуални пораки на телефонот на Шмид.
Курц ги отфрли обвинувањата и тврди дека случајот бил под влијание на политиката.
Себастијан Курц дојде на власт на 31-годишна возраст на антиимиграциска платформа како лидер на Народната партија.
Станувајќи канцелар во 2017 година, тој повика на предвремени избори по оставката на неговиот вицеканцелар, кој беше снимен на видео како наводно ветува владини договори на потенцијален руски инвеститор.
Курц се врати на власт во коалиција со Зелените на почетокот на 2020 година, но повторно поднесе оставка во 2021 година, откако стана цел на втора истрага за наводен поткуп.
Ова е првпат во последните 30 години на поранешен австриски канцелар да му се суди.
