‘СУЛТАНОТ’ ГИ ЗАГУБИ НЕРВИТЕ – Реџеп Таип Ердоган не штедеше на зборови против Израел: “Веднаш да го запре ова лудило и да ги прекине нападите врз Појасот Газа!“
Претседателот на Турција, Реџеп Таип Ердоган, го повика Израел „веднаш да го запре ова лудило“ и да ги прекине нападите врз Појасот Газа, пренесоа странските медиуми, повикувајќи се на објава објавена на социјалната мрежа X (Твитер).
„Израелското засилено бомбардирање во Појасот Газа минатата ноќ повторно беше насочено кон невините жени, деца и цивили и ја продлабочи тековната хуманитарна криза. Израел мора веднаш да стави крај на ова лудило и да стави крај на своите напади“, вели Реџеп Таип Ердоган, повикувајќи ги своите поддржувачи на собир за поддршка на Палестинците во организација на неговата партија денеска во Истанбул.
На собирот, како што кажа, „јасно и категорично ќе кажеме дека го поддржуваме палестинскиот народ против прогонот од Израел“.
Собирот ќе се одржи на територијата на стариот аеродром „Ататурк“ во Истанбул.
Во последните денови, Реџеп Таип Ердоган го заостри својот тон за израелското бомбардирање на Појасот Газа како одговор на нападот на Хамас на 7. октомври.
Во средата претседателот на Турција објави дека се откажува од сите планови да го посети Израел и го критикуваше неуспехот на Западот да ја запре војната во Појасот Газа.
„Хамас не е терористичка група, туку група на ослободители кои ја бранат својата земја“, додаде Реџеп Таип Ердоган, предизвикувајќи гнев кон Израел.
