Тактичка револуција во Реал Мадрид – Карло Анчелоти подготвува голема промена: “Сакам да пробам нешто ново!“

Карло Анчелоти подготвува голема тактичка промена во играта на Реал Мадрид за следната сезона и на голем начин ја враќа првата десетка. Идејата на италијанскиот тренер е следната сезона да се обиде со формација 4-4-2 со дијамант на средината на теренот.

Карло Анчелоти реши да спроведе нов план за игра што ќе му овозможи да го искористи присуството на млади таленти како Камавинга, Чоамени, Валверде или Џуд Белингам. Сепак, оваа варијација во структурата е последица и на немањето јасна референца во нападот по заминувањето на Карим Бензема, кој постигнуваше голови и го водеше тимот, пишува Marca за тактичката револуција во Реал Мадрид.

На првите тренинзи во Лос Анџелес, каде моментално престојува „Кралскиот клуб“, Карло Анчелоти ги подели играчите на два тима – средниот ред на „тимот А“ го сочинуваа Камавинга, Валверде, Модриќ, Белингем, додека за „тимот Б“ Чоамени, Крос, Нико Паз, Арда Ѓулер играат на средината на теренот.

„Сакам да пробам нешто ново. Ако не успее, го имаме стариот систем, кој ни даде толку многу успех“, изјавил тренерот на Реал Мадрид.