Таткото го пронашол распаднатото тело на ќерка си! Распарчена и изгорена, па тргна по лов на убиецот не штедејќи пари!

Во 1988 година во природниот резерват Масаи Мара во Кенија беше откриено телото на фотографката на диви животни Џули Вард (28) од Велика Британија, а никој не беше осуден за нејзиното убиство, пишува Би-Би-Си.

Таткото на убиеното девојче и фотограф, Џон Ворд, дал богатство за темелно да се истражи случајот со смртта на неговата ќерка. Имено, тој платил дури два милиони фунти за да се открие кој е убиецот.

Тој почина на почетокот на овој месец на 89-годишна возраст, а неговиот погреб се одржа во Бури Сент Едмундс. Само две недели претходно почина и неговата сопруга Јан.

Тогаш проговорил синот на починатиот Џон Вард, Боб Вард, кој рекол дека семејството се помирило со фактот дека правдата за Џули не е задоволена, односно дека таткото не успеал да открие кој ја убил неговата ќерка.

Според Би-Би-Си, несреќната девојка исчезнала при крајот на фотосафарито, а последен пат била видена на 6 септември 1988 година. Една недела подоцна татко и’ го пронашол искасапеното тело на ќерката – распарчено и изгорено!

Официјални лица во африканската земја тврдеа дека таа наводно била нападната од животни, но нејзиниот татко имал цврсти докази во рацете.

Според неговиот син, неговиот татко бил „извонреден со детали“. Како што вели, нејзината смрт била ужасна, а семејниот живот никогаш не бил ист после тоа.

– До тој момент игравме фудбал во недела наутро во локалниот клуб и одевме во паб, бевме нормално семејство колку што можеш да бидеш. Така, сето ова за некое време ни го сврте животот… но сите успеавме да најдеме начин да се справиме со тоа.