Тајната на тестаментот на Ивана Трамп: Доналд нема ни цент, а дадилката доби луксузен стан во Мајами!
Иако Доналд Трамп не доби ни пара, Ивана му даде коконтрола врз нејзиниот имот.
Ивана Трамп, поранешната сопруга на Доналд Трамп, кој почина минатиот јули откако падна по скалите на нејзиниот дом на Менхетен, внимателно го поделила својот имот пред нејзината смрт, пишува Њујорк пост.
Доверливите записи прегледани од „Инсајдер“ покажуваат дека 73-годишната жена им оставила поголем дел од својот имот на своите деца – Доналд Трамп Џуниор, Иванка и Ерик .
Таа сепак го остави својот стан вреден милион долари во Мајами Бич, Флорида, и кучето – на нејзината поранешна дадилка.
– На мојата пријателка Сузана Дороти Кари ѝ го давам и го оставам во наследство моето куче, Тигар Трамп и сите други домашни миленици што ќе ги поседувам до моментот на мојата смрт .
Ивана дури направила одредби во случај Кари да умрела пред неа. Да се случеше тоа, Тигар ќе беше доделен на Ерик.
Според Newsweek, Кари со децении работела за семејството Трамп. Ивана дури пишуваше за Кари во нејзината книга од 2017 година, „Raising Tru mp“.
– Со сјај во очите и многу нервозна енергија – напишала Ивана во книгата, присетувајќи се како Кари почнала да работи како дадилка за семејството.
Подоцна, откако децата пораснале, Кари работела како помошничка на Ивана. Newsweek објави дека Кари, која е по потекло од Ирска, има адреса на живеење во Квинс, иако не е јасно дали таа сè уште живее таму.
„Њујорк пост“ се обиде да стигне до Кари, но бројот поврзан со нејзиното име беше надвор од употреба.
Станот во Мајами Бич има проценета вредност од 1,12 милиони долари, според Редфин. Просторот е опишан како една спална соба со една бања од вкупно 92 квадратни метри.
Изграден е во 2001 година, а последен пат е купен за 635.000 долари, осум години подоцна.
Исто така, тестаментот вклучува и барање нејзината гардероба да биде донирана на Американскиот Црвен крст и Армијата на спасот.
Ова барање ја исклучува нејзината колекција на крзна и накит, кои таа побара да се продаде, а целата добивка да биде пренесена на нејзините деца.
Иако Доналд Трамп не доби ни пара, Ивана му додели заедничка контрола на нејзиниот имот, кој се проценува на милиони, заедно со децата.
Средствата вклучуваат имот во Чешка, имот во Франција и нејзината позлатена градска куќа.
