ТЕЖОК УДАР – Првата ѕвезда на Милан го пропушта најважниот натпревар во сезоната !? Тренерот тврди: “Ако тоа се случи, тој нема да биде ниту на клупата…“
Фудбалерите на Милан и Интер во среда ќе го одиграат првиот полуфинален натпревар од Лигата на шампионите, а се уште не се знае дали Рафаел Леао, еден од неговите најдобри фудбалери, ќе игра за Милан.
„За тоа ќе одлучиме на денот на натпреварот. Има шанса да игра, а ако не може да го започне натпреварот, тогаш веројатно нема да биде ниту на клупата“, изјавил тренерот на Милан, Стефано Пиоли, за португалскиот фудбалер ден пред градската пресметка.
Во неодамнешната победа од 2:0 против Лацио, Рафаел Леао мораше да го напушти теренот по само 11 минути игра поради повреда на адукторот. Во понеделникот Рафаел Леао воопшто не тренирал, додека во вторникот тренирал по посебна програма одвоен од остатокот од тимот.
Рафаел Леао со 12 гола е шестиот стрелец во Серија А оваа сезона, а во натпреварите од Лигата на шампионите беше предводник на играта на Милан. Не беше стрелец против Наполи во четвртфиналните натпревари, но беше најдобар играч во демолирањето на новиот италијански шампион.
Оваа сезона Рафаел Леао постигна еден гол во Лигата на шампионите.
„Ако го исфрливме Наполи, тогаш сме способни да исфрлиме и да победиме секого во Лигата на шампионите“, изјави тренерот на Милан, Стефано Пиоли во најавата за градското дерби против Интер.
