“Тешки сообраќајни несреќи на македонските автопати: Жртва и повредени во две различни несреќи”

Едно лице загина, а три се повредени во сообраќајка на автопатот Куманово-Табановце

 Едно лице загина, а три се повредени во сообраќајна несреќа што се случи вечерва на автопатот Куманово-Табановце.

– Во 20:30 часот во СВР Куманово е пријавена сообраќајна несреќа на автопат Куманово-Табановце во која учествувале три возила ,,голф”, ,,поло” и ,,бмв”. Едно лице починало на местото на настанот, а три лица се здобиле со повреди и се пренесени во болницата во Куманово. Во тек е увид, информираа од СВР Куманово.

Од Итната медицинска помош во Куманово информираа дека едно од повредените лица поради сериозноста на повредите е пратено на скопските клиники, а останатите две лица се задржани во Општата болница Куманово.

Превртен камион на автопатот Неготино-Демир Капија, сообраќајот отежнат

Камион е превртен на автопатот Неготино кон Демир Капија на 100 метри после бензинската пумпа на „Макпетрол“, соопшти вечерва Авто мото сојузот на Македонија. 

Според информацијата на АМСМ, движењето е отежнато и се пропуштаат само патничките возила, а тешките товарни возила се пренасочуваат по регионалниот пат