Тој е незаменлива состојка на колачи и торти, а корисен е и за многу болести: Помага при заболувања на коските, борец е против мозолчиња, прекумерно потење

Оревот е витко дрво високо до 25 метри. Листовите првично се малку црвеникави по боја. Машките цветови се развиваат во пазувите на листовите, како висечки реси. Женските цветови се развиваат поединечно, или во помали групи, на нови ластари.

Оревот доаѓа од Далечниот Исток и Мала Азија. Диво расте во шумите, а се одгледува и како култивирано растение. Не поднесува ниски температури.

Кој е лековитиот дел од оревот

Листовите се собираат во пролет, незрели плодови во јуни, а зрелите плодови на есен.

Чајот направен од млади листови со додаток на мед се користи за чистење , подобрување и зајакнување на крвта, за јакнење на желудникот, добро варење, потоа против разни чирови, болки во коските, скрофла, гнојни рани од секаков вид и за плакнење и облоги на воспалени очи.

Корисен е за рахитис на коските, општа слабост на телото, крварење на забите, заболување на непцата, отекување на коските. Многу добри резултати се постигнуваат со мозолчиња, красти на главата, лишаи на брадата, млечни красти, гноен осип, прекумерно потење на нозете и бело миење.

Од незрели зелени плодови или само од зелената лушпа се подготвува сируп со додавање на мед, кој успешно се користи како додаток во лекувањето на сите гореспоменатите болести.