Трамп ја одби поканата на Зеленски да го посети Киев: Тоа би било несоодветно

Украинскиот претседател Володимир Зеленски го покани поранешниот американски претседател Доналд Трамп во Украина за да се увери самиот во обемот на војната, но Трамп одби.

– Имам голема почит кон претседателот Зеленски, но мислам дека би било несоодветно да одам во Украина во овој момент. Во моментов работи со администрацијата на Бајден и не би сакал да создавам конфликт на интереси – напиша Трамп во изјава за „Њузмакс“.  

Повикот на Зеленски беше реакција на тврдењата на Трамп дека може да го реши руско-украинскиот конфликт за „24 часа“ . 

Зеленски рече дека ќе му требаат само „24 минути“ за да му докаже на Трамп дека не е можно да се стави крај на војната.

Тој нагласи дека претседателот Бајден е во Украина и дека „разбрал некои детали кои можете да ги разберете само кога сте таму“.

– Затоа му се јавувам на претседателот Трамп. Ако може да стигне тука, ќе ми требаат 24 минути – да, 24 минути, не повеќе. Дваесет и четири минути да му објасниме на претседателот Трамп дека не може да управува со оваа војна – рече Зеленски.