Тројца загинати во нападот на автобусот, израелската армија трага по убијците: „Никој нема да остане неказнет“

Три лица загинаа, а осум други се повредени во напад на автобус во близина на населбата Ал Фундука на северот на Западниот Брег, соопшти израелската армија.

Во соопштението се наведува дека вооружените напаѓачи отвориле оган врз автобус и цивилни возила, пишува „Џерусалим пост“.

Се додава дека израелската армија трага по напаѓачите, како и дека се поставени блокади на патиштата.

Според израелските медиуми, во нападот загинале две жени на 60-годишна возраст и еден маж на возраст од 40 години. Здравствените власти изјавија дека се обидуваат да го спасат животот на возачот на автобусот (63), а тешко е ранета уште една жена на возраст од околу 60 години, додека со полесни повреди се здобиле уште шест патници. Сите биле пренесени во болница.

ИД објави дека „терористите отвориле оган врз автобусот и возилата“ и дека безбедносните сили трагаат по терористите, поставувајќи барикади во областа и околните градови.

По нападот, израелскиот премиер Бенјамин Нетанјаху испрати сочувство до семејствата на жртвите во објава на Ксу.

– Ќе дојдеме до грозоморните убијци и ќе сè справиме со нив и со сите што им помогнале. Никој нема да остане неказнет , ​​рече Нетанјаху.