Тројца повредени во пожарот во Кочани денеска се вратија од Шведска и Грција

Министерството за здравство информира дека денеска во земјава се вратија тројца пациенти повредени во пожарот во Кочани, од кои двајца се хоспитализирани во Грција и еден во Шведска. Според протоколите, тие ќе бидат под опсервација 24 часа.

Министерството додава дека 23 пациенти се хоспитализирани во Србија, 14 во Бугарија, 10 во Турција, 8 во Грција, 4 во Словенија, додека по 3 пациенти во Унгарија, Хрватска, Шпанија, Австрија и Литванија. Во Италија и Полска е хоспитализиран од пациент.

„Во Скопје на Клиниката за токсикологија вчера по враќањето од Полска е примен пациент кој денеска е пуштен на домашно лекување. Двајца пациенти остануваат на Клиниката за пластична хирургија, додека на хируршката клиника ,,Свв. Наум Охридски” и бо Општата болница „8 Септември“ се примени 5 пациенти, од кои денеска се очекува еден да биде пуштен на домашно лекување. На Клиниката за пулмологија има двајца пациенти, додека во приватната болница „Систина“ се примени тројца пациенти.

„Министерството за здравство внимателно ја следи состојбата на повредените пациенти и останува во постојана комуникација со медицински тимови внатре и надвор од државата, посветени на обезбедување на најдобра можна грижа за погодените од трагедијата во Кочани“, соопшти Министерството за здравство.