Тројца Срби претепале лекар и медицинска сестра во Германија и им се заканувале: Објавено видео од нападот

Медицинската сестра се здобила со набиен череп и е на психолошки третман, а лекарот се здобил со повреди на лицето.

Тројца Срби нападнале лекар и медицинска сестра во болницата Сана во Берлин, пишуваат германските медиуми.

На видеото од надзорната камера се гледа како 25-годишен Србин и неговите двајца браќа тепаат медицинска сестра (32), а потоа лекар (42).

И неколку дена по нападот на новогодишната ноќ, последиците од нападот се уште се сериозни. Медицинската сестра и докторот се уште не можат да работат и се на боледување.

Медицинската сестра се здобила со набиен череп и е на психолошки третман, а лекарот се здобил со повреди на лицето .

Тоа што ситуацијата не ескалира дополнително е веројатно благодарение на роднината на друг пациент, кој интервенирал.

Се зборува дека пијаните напаѓачи „полуделе“ по кратко чекање.

„Ќе ви го убиеме семејството. Ќе ви го пресечеме гркланот“, извикувале младите.

Според полицијата, еден од тројцата Срби, 25-годишен маж, имал раскрвавена рана на раката и околу 00:45 часот бил донесен со возило на брза помош. Не е познато колку време поминало помеѓу пристигнувањето во центарот за помош и нападот.

Како што покажуваат видеата, мажи од Србија одеднаш почнуваат да ја удираат медицинската сестра. Таа удира во ѕидот од собата и останува да лежи на подот, а потоа го удриле докторот кој се обидува да ја смири ситуацијата.

Персоналот на болницата се обидувал да ја смири ситуацијата додека не дошла полицијата. Полицајците привремено ја привеле пијаната тројка. Сите се уапсени и приведени на отрезнување.

Полицијата истражува напади врз медицински персонал, попречување на пружање помош, закани и нанесување тешки телесни повреди.