УКРАИНА СЕ ЗАКАНУВА – Русите добија предупредување: “Наскоро ќе зажалите за ракетните напади врз Киев!“

Министерот за одбрана на Украина, Кирило Буданов, најави дека Украинците нема да чекаат долго за одговор по серијата руски ракетни напади врз Киев.

Кирило Буданов кажа дека денешните напади не успеале да ги заплашат луѓето во главниот град на Украина.

Украинските власти претходно објавија дека сите проектили се соборени и дека нема извештаи за жртви.

Сепак, остатоците од пресретнатите проектили паднале во станбени области во центарот на Киев. Нападите утринава уследија по две ноќи тешки напади со беспилотни летала.

Киев претрпе 16 воздушни напади овој месец.

Последниот напад беше невообичаен по тоа што се случи во текот на денот и се чинеше дека го таргетираше центарот на градот, додека другите напади врз Киев во мај беа ноќе и беа насочени кон клучната инфраструктура или против-воздушната одбрана на периферијата.

Кирило Буданов истакна дека сака да им даде до знаење на поддржувачите на Русија дека Киев не бил покосен од нападот и дека тие продолжиле да работат по него.

„Сите оние кои се обидоа да не заплашат, сонувајќи дека тоа ќе има некаков ефект, многу брзо ќе се покаете. Нема да чекате долго за нашиот одговор“, додал тој во соопштението објавено од Министерството за одбрана на Украина.

Руските власти тврдат дека во нападите биле погодени сите цели. Сирените за воздушен напад се огласиле и во неколку други украински региони. Локалните воени команданти во Киев ја обвинија Русија дека ја менува тактиката и намерно го гаѓа цивилното население.