Успех на тркала – PEUGEOT E-5008 е прогласен за најдобар…

Елена

Тутунот ќе се откупува на 298 пунктови ширум Македонија

Елена

Потпишани се договори за новата германско-холандска…

Рамазан

Украина ја нападна Русија како никогаш досега, лансираше стотици беспилотни летала, гори околу Москва (Видео)

АктуелноТоп Тема
Од Во Центар

Украина изврши серија напади со беспилотни летала врз енергетските и рафинериските капацитети во московскиот регион и соседниот Твер, предизвикувајќи пожари, додека десетици беспилотни летала се уништени низ други делови на земјата, соопштија во неделата руските власти.

Руските медиуми тврдат дека ова е најголемиот украински напад од почетокот на војната.

Отпадоци од беспилотни летала предизвикаа пожари во московската нафтена рафинерија и во електраната Конаково во регионот Твер, еден од најголемите производители на енергија во централна Русија, објавија официјални лица и медиуми.

Руското Министерство за одбрана на апликацијата Телеграм објави дека нејзините единици за воздушна одбрана уништиле 158 беспилотни летала лансирани од Украина во текот на ноќта, вклучително и девет над Москва и околните региони.

Градоначалникот на Москва, Сергеј Собјанин, изјави дека неколку дронови ја нападнале московската рафинерија и дека пожарот се гаси во „специјална техничка просторија“ во објектот. Руската новинска агенција ТАСС, повикувајќи се на официјални лица за вонредни состојби, објави дека пожарот достигнал највисоко ниво на сложеност, што може да бара дополнителни спасувачки единици.

Рафинеријата во југоисточниот дел на руската престолнина е во сопственост на Гаспром Нефт, нафтената подружница на рускиот гасен гигант Газпром. „Газпром нефт“ одби да ја коментира ситуацијата.

Телеграмскиот канал База, близок до руските безбедносни служби, објави дека во близина на електраната Конаково се слушнале силни експлозии. Гувернерот на Тверската област Игор Рудења потврди дека има пожар во градот Конаково, но нагласи дека снабдувањето со струја и гас е непречено. Тој не прецизираше што точно гори.

Украина, исто така, се обиде да ја нападне електраната Кашира во московскиот регион со три беспилотни летала, изјави Михаил Шувалов, началник на областа на градот Кашира. Тој изјави дека од нападот немало пожар, штета или жртви. Снабдувањето со електрична енергија се одвива без никакви проблеми“, напиша Шувалов на Телеграм.

Руското Министерство за одбрана соопшти дека се уништени 46 беспилотни летала над пограничниот регион Курск, 34 над Брајанск, 28 над Воронеж и 14 над Белгород. Неколку дронови беа соборени над Калуга, Липек, Рјазан и други руски региони, соопшти Министерството.

Во Центар 2696 текстови 0 коментари
Слични наслови Повеќе од Авторот