УКРАИНЦИТЕ ВО СТРАШЕН НАПАД, РУСИТЕ ПРИЗНАВААТ: Непријателот успеа да навлезе во три области, сега има жестоки битки (ВИДЕО)
Тие се упатија на југ од стратешкиот град
Официјални лица назначени од Русија и руски воени блогери тврдат дека украинските сили започнале голема офанзива во регионот Запорожје, јужно од Оричов.
- Започна фронтот во Запорожје, вториот бран на контраофанзива на вооружените сили на Украина – објави денеска на Телеграм Владимир Рогов, член на воено-цивилната администрација на Запорожје.
- Непријателот ангажираше максимални сили во пробивањето на нашата одбрана во правец на Орихов. Рано утринава, по масовна артилериска подготовка и воздушни напади, Украинците ги нападнаа нашите позиции кај Работин – додаде тој.
Евгениј Балицки, гувернер на окупираната украинска област Запорожје, исто така објави дека украинскиот напад е во тек, пишува Си-Ен-Ен. Рускиот воен блогер „Рибар“ опиша слична ситуација долж јужниот фронт.
- По подготвителната фаза на артилериските напади, украинските јуришни одреди нападнаа и се обидоа да се пробијат североисточно од Работин. Тие започнаа напад со десетици тенкови и оклопни возила. Непријателот успеа да навлезе во три области. Сега има жестоки битки – изјави Рибар. Украина се уште не ги коментира овие наводи за офанзивата, пишува Index.hr.
