„Успех е што Србија ни се придружи“

Претседателката на ЕК Урсула фон дер Лајен денеска по пристигнувањето на самитот на Европската политичка заедница во Гранада изјави дека една од темите на самитот ќе биде енергијата.

Таа посочи дека е голем успех што е формирана заедничка платформа за набавка на гас, на која, посочи, и се приклучила и Србија.

Урсула фон дер Лајен рече дека ЕУ се соочила со голема енергетска криза поради, како што тврди, уценувањето на Русија со фосилни горива, но дека поради успешното справување со кризата цените драстично паднале и магацините се полни.

„Создадовме заедничка платформа за заедничко купување гас, тоа е голем успех и овој успех се гледа по тоа што на оваа платформа за енергетика не се приклучија само 27 земји-членки на ЕУ, туку и други земји-членки на Европската политичка заедница, како Норвешка, Украина, Молдавија и Србија“, рече таа.

Претседателот на ЕК рече дека ЕУ се ослободила од зависноста на Русија од фосилни горива и му порача на рускиот претседател Владимир Путин: „Не толерираме агресија врз суверена држава“.

Таа, исто така, изрази уверување дека САД ќе продолжат да ја поддржуваат Украина, и покрај конфликтот во редовите на републиканците околу ова прашање, што фрла сомнеж за прашањето за натамошната американска помош за Украина.

Зборувајќи за Нагорно Карабах, Фон дер Лајен рече дека Брисел силно ја поддржува Ерменија и потсети дека ЕУ ја осудува воената операција на Азербејџан врз Нагорно Карабах и повика на продолжување на дијалогот и мирно решение.