Уште една трагедија! Баба и дедо убиени заедно со нивните внуци: Славеле Нова Година, но прославата имала трагичен епилог (фото)

Страшна сообраќајна несреќа ги одбележа првите моменти од 2024 година на Кипар.

Четири члена на едно семејство загинаа во верижен судар на автомобил и пикап што се случи на патот кај Лимасол половина час по полноќ. Убиени се Вафула Џорџија (27) која управувала мало патничко возило и нејзиниот брат Николас (17) и нивните баба и дедо Николас (73) и Евантија (73) Заврос.

Камионот наводно го управувал брачен пар од Сирија кој се здобил со тешки повреди. Возачот на камионот бил негативен на алкохол и дрога.

Според локалните медиуми, членовите на семејството заедно го прославиле доаѓањето на 2024 година , а потоа внуците сакале да ги однесат баба и дедо дома.

Сообраќајната несреќа се случила кога Вафула свртела десно на раскрсницата, по што се судрила со камион.

– Раскрсницата е под семафори и се истражуваат точните околности под кои се случила несреќата. Има некои сведоштва кои се оценуваат. Противпожарната служба ги извадила жртвите од автомобилот. Тие се пренесени во болница во Лимасол, каде за жал е констатирана смрт – вели Мариос Караламбос од сообраќајната полиција.

Караламбос додава дека жртвите не носеле појаси.

– Имаше сериозен судир, можеби со зголемена брзина, тоа е предмет на истрагата. Се истражуваат сите можности – вели Караламбос.

Млад човек и девојка, да потсетиме, ги загубија нозете во сообраќајна несреќа што се случи на Божиќ во Перама, Крф! Александар (28) и Илијана (22) поради голема брзина изгубиле контрола над автомобилот, по што излетале од патот и удриле во заштитна ограда.