Уште едно чудо во Мјанмар: Момче (26) спасено од урнатините пет дена по земјотресот! (ВИДЕО, ФОТО)

Млад човек (26) е извлечен жив од урнатините на хотел во Мјанмар, пет дена по разорниот земјотрес што срамни со земја цели населби и уништи храмови, мостови и автопати.

Заеднички спасувачки тим од Мјанмар и Турција по полноќ го пронашле 26-годишникот во урнатините на зградата во главниот град Најпидав, соопштија противпожарната служба и владејачката хунта во земјата.

Повеќе од 2.700 луѓе загинаа во катастрофата, а бројот на загинати се очекува да надмине 3.000 во среда, изјави воениот владетел на Мјанмар Мин Аунг Хлаинг.

Агенциите за помош ги повикаа другите земји да ја зголемат помошта пред монсунските дождови, пишува Гардијан.

Мјанмар.jpg

Во близина на епицентарот, во опустошените градови Мандалеј и Сагаинг, трауматизираните преживеани спиеле на улиците, додека смрдеата на трупови заробени под урнатините ја провела зоната на катастрофата.

Има недостиг од вода, храна и лекови, а монсуните би можеле да ја погодат земјата веќе во мај.