Фетаи: ДУИ дивјачки ја напаѓа мојата личност, но никогаш не сум имал никаква соработка или компромис со нив

Вицепремиерот Арбен Фетаи реагираше на, како што вели, клевети на социјалните мрежи, за кои ја обвинува Демократската унија за интеграција.

„Пропагандната машинерија на ДУИ и нејзините потпорници започнаа злобна кампања против мојата личност“, вели Фетаи, додавајќи дека нападите се вршат преку лажни профили кои имаат за цел да го оцрнат со „секакви клевети и лаги“, реагира Фетаи.

Според него, овие напади ги извршуваат ДУИ и дел од АA.

„Овие напади се знак на нашата моќ. Тие напаѓаат затоа што нашето движење ги наруши плановите на ДУИ и заложниците на Ѓока Конструкција. Моите раце се чисти, мојата совест е чиста. За 20 години кариера, не сум злоупотребил ниту денар јавни ресурси. Моите раце се чисти, мојата совест е чиста. Дистанца од ДУИ – јас сум единствениот што никогаш немал контакт, соработка или компромис со ДУИ и нивниот претседател. Одржував и ќе одржувам хигиенска дистанца од нив. Независност во донесувањето одлуки – никој не може да влијае на моите одлуки, да ме условува или уценува. Мојата единствена зависност е од нашиот народ и нашата нација“, пишува Фетаи.

На крајот од реакцијата, Фетаи пишува дека и покрај нападите, Албанците стануваат посилни и ова нема да престане.

„Нашиот караван се движи напред, незапирливо, кон иднина каде што Албанците се овластени, а не експлоатирани“, се вели во реакцијата на Фетаи.