ФОТО+ВИДЕО | КРВАВА СВАДБА КАКВА СВЕТОТ НЕ ПАМЕТИ – Најмалку 100 лица загинаа, а 150 се повредени, а меѓу жртвите се и невестата и младоженецот

Најмалку 100 луѓе загинаа, а 150 се повредени во пожар на свадбена прослава во областа Хамданија во ирачката провинција Ниневија, објавија ирачките државни медиуми рано во средата, пренесува медиумската агенција Reuters.

Заменик-гувернерот на Ниневија, Хасан ал Алак, за Reuters ја потврдиl смртта на 113 лица.

Локалните извори посочуваат дека бројот на жртви може да биде поголем, а меѓу жртвите се и младоженецот Реван и невестата Ханеен.

Ова го потврди Ахмес Дубардани, втор човек на здравствената администрација во Ниневија. Тој додаде дека најмалку 50 повредени се во критична состојба, од кои најмалку половина се здобиле со изгореници.

„Повеќето од ранетите имаат изгореници по целото тело. На други околу 60 проценти од нивните тела се покриени со изгореници. Не е добро“, изјавил Ахмес Дубардани и додал дека засега никој не е пуштен од болница.

Причината за пожарот се уште не е утврдена, но првичните информации укажуваат дека пожарот настанал по палењето на огнометот.

Видеото од местото на настанот на дописникот на Reuters покажува како пожарникари се искачуваат над изгорената зграда во потрага по преживеани. На местото на трагедијата е виден камион-ладилник натоварен со црни каросериски кеси, а грозоморните видео-снимки можете да ги погледнете ОВДЕ.

На местото на трагедијата се и амбулантни возила и медицински екипи. Спасувачите ги пребаруваат јагленосаните остатоци од урнатините за преживеани.