ФОТО/ВИДЕО | РАЈСКИТЕ ОСТРОВИ ПРЕТВОРЕНИ ВО ПЕКОЛ! Катастрофални пожари ги погодија Хаваи – Луѓето се фрлаат во океанот за да се спасат, најмалку 36 мртви: “Се изгоре, вакво нешто не сум видел…“
„Најмалку 36 лица загинаа во шумските пожари што опустошија делови од хавајскиот остров Мауи. Пожарите предизвикани од ветрот го зафатија градот Лахаина, западен Мауи, што предизвика евакуација на жителите“, соопшти градоначалникот на Лахаина, Ричард Бисен Џуниор, пренесуваат светските медиумски агенции.
„Нашиот главен фокус сега е спасувањето животи“, вели Ричард Бисен Џуниор.
Вршителот на должноста гувернер на овој регион, Силвија Лук, прогласи вонредна состојба и ги повика луѓето да не патуваат на островот: „Ова место не е безбедно во моментов“, нагласи таа.
Воздушно видео од крајбрежјето Лахаина покажува десетици домови и објекти срамнети со земја, вклучително и на познатата улица „Фронт“, каде што туристите се собраат да шетаат и вечераат.
Купишта урнатини што чадат се натрупани високо покрај брегот, дел од бродовите во пристаништето се изгорени, а сив чад се издига над голите скелети на јагленисани дрвја.
„Тоа е ужасно. Летам овде 52 години и никогаш не сум видел нешто слично“, рекол Ричард Олстен, пилот на хеликоптер за една туристичка компанија: „Сите плачевме, пилоти, механичари…“.
Познатиот рокер Мик Флитвуд, кој со децении живее на Хаваи, во објава на социјалната мрежа Фејсбук откри дека пожарот го проголтал и неговиот ресторан.
„Ова е неверојатна загуба. Во име на себе и на моето семејство, ги споделувам моите искрени мисли и молитви со луѓето од Мауи“, пишува тој во објавата.
Како што пишува Sky News, луѓето масовно скокнале во океанот за да се спасат од пожарот кој го погоди островот, а тројца добиле критични изгореници при бегството од пламените.
„Преттрпевме страшна катастрофа во форма на шумски пожар кој во голема мера се прошири како резултат на ураганските ветрови во регионот и сувите услови“, вели гувернерот на Хаваите. Џош Грин.
„Мауи и островот доживеаја значителни пожари. Голем дел од Лахаина на Мауи беше уништен, а стотици локални семејства беа раселени“, тврди тој.
Снимките објавени во текот на ноќта покажуваат дека пламенот зафатил бројни згради во историскиот центар на градот, кој датира од 18 век и е наведен во Националниот регистар на историски места, а некои блокови згради се целосно претворени во пепел.
Според информациите, повеќе од 2.100 луѓе ја поминале ноќта во четири засолништа на островот.
Аеродромот „Кахулуи“, главниот аеродром во Мауи, засолнил 2.000 патници чии летови биле откажани или кои неодамна пристигнале на островот.
Националната метеоролошка служба објави дека ураганот Дора, кој минувал јужно од синџирот на островот, е делумно виновен за налетите на ветерот над 97 км/ч.
Ветерот ја исфрли струјата и ги запре гасните хеликоптери да помогнат при гасењето на пожарот. Како што истакнуваат локалните власти, во моментот – „еден пожар е под контрола, вториот е 60 отсто локализиран, а третиот, во близина на хотелот ‘Mauna Kea Resorts‘ и се уште гори“.
Брајан Шац, американски сенатор од Хаваи, објави на социјалните мрежи дека Лахаина е речиси целосно изгорена.
Околу 271 структура односно објекти се оштетени или уништени, објавија американските медиуми, повикувајќи се на официјални извештаи за прелети на американската цивилна воздушна патрола и пожарникарската служба Мауи.
Официјални лица велат дека е тешко да се одреди вистинската големина на штетата на островот Мауи и предупредуваат дека бројот на жртвите може да се зголеми.
Претседателот на САД, Џо Бајден, изјави дека војската била испратена да помогне во гаснењето на пожарот и дека Министерството за транспорт на САД работи на евакуација на туристите.
