ФОТО | Грчките медиуми: Ова е убиениот навивач од Атина непосредно пред смртта. Некој го удира со палка

ГРЧКИТЕ медиуми јавуваат дека во продолжение на истрагата за немирите што ноќта меѓу понеделникот кон вторникот избувнаа во атинскиот кварт Нова Филаделфија, истражен е притвор за 70 од вкупно 98 уапсени. Останатите 28 уапсени чекаат на распит кај истражен судија, додаваат оттаму.

Групата се товари за 11 кривични и прекршочни дела, а посебен акцент е ставен на истрагата за убиството на 29-годишниот навивач на АЕК, за што се осомничени Хрват, Албанец и тројца Грци. Грчка ѕвезда денеска ја објави првата фотографија од убиениот Михалис Кацурис, направена од надзорна камера непосредно пред неговата смрт.

Од конфликтот има цело видео на кое се гледаат како некои хулигани го удираат со палка жртвата Грк, но се уште не е објавено, а оваа фотографија е единствената што стигна до медиумите. Наводно, овој напад се случил на локацијата каде што Кацурис избегал откако бил претепан, за да биде смртно избоден на следната локација.