ФОТО | НА КОЈА СТРАНА ЌЕ ЗАСТАНЕ НАЈУБАВАТА ЖЕНА ВО СВЕТОТ ? Бела Хадид се фотографираше со знамето на Палестина, а нејзиниот татко ги ‘поддржа’ Хамас – кој е нејзиниот став денес !?
Војната на Блискиот Исток, меѓу Израел и Палестина не стивнува со години, а сега се чини дека е поекстремна од кога било досега, додека невините жртви само се зголемуваат.
Повеќе од 1.100 луѓе се убиени од двете страни по масовниот напад на Хамас врз јужниот и централниот дел на Израел што започна рано во саботата.
Непријателството меѓу еврејскиот и палестинскиот народ трае со години.
Многу познати личности и претседатели ширум светот повикуваат на мир или конкретно решение, поддржувајќи и критикувајќи различни страни.
На страната на Израел застанаа ѕвезди како Мадона, Крис Џенер, Натали Портман и многу други. Остри критики доби и најпознатата порно-актерка со либанско потекло Миа Калифа, која ја поддржуваше групата Хамас и застана на страната на Палестинците. Холивуд е делумно поделен по ова прашање.
Она што многумина го чекаат е ставот на познатата манекенка и модел Бела Хадид, како и нејзината сестра Џиџи, чие потекло потекнува од палестинските корени. Имено, нивниот татко Мухамед Хадид е Палестинец и е многу отворен во поддршката за Палестина. Тој смета дека „бришењето“ на Палестинците од картата на Обединетите нации е организирана ароганција, поточно некаков Нов Блиски Исток. Во една објава, Мухамед Хадид јасно стави до знаење дека неговата поддршка за Палестина не е еднаква на одобрување на убиствата извршени од Хамас.
„Да бидам јасен, ги осудувам убиствата и земање заложници или злоупотреба, тортура на цивили. Арапи, муслимани, Евреи или христијани. И целосно не го одобрувам третманот на окупацијата кон окупираните“, напиша тој.
А Бела Хадид постојано истакнуваше фотографии и пораки за поддршка на својот народ, осудувајќи ги сите форми на насилство. Пошироката јавност очекува моделот да се појави со објава, додека некои критичари го осудија семејството Хадид за поддршка на Палестина. Не е изненадувачки што Бела Хадид молчи за ова прашање, со оглед на огромните реакции што ги претрпе од блиските кога последен пат јавно покажа поддршка за Палестина. Таа доживеа остри критики, отфрлање во бизнисот и животот, па дури и нејзините долгогодишни пријателства се распаднале поради тоа.
Да потсетиме дека за време на израелско-палестинскиот конфликт во 2021 година, кога започнаа судирите меѓу палестинските демонстранти и израелската полиција, Бела Хадид постојано повикуваше на мир. Во една објава таа напиша:
„Ниту една нација не треба да живее во постојан страв од ракети. Ниту Палестинците, ниту Израелците. Точка“.
