ФОТО | ОВА СЕ НАЈГОЛЕМИТЕ ГРОБИШТА ВО СВЕТОТ – Има повеќе тела отколку луѓе во Македонија: Погледнете го “градот на мртвите“
Над шест милиони починати се погребани на најголемите гробишта во светот – гробиштата „Вади ал Салам“ во светиот град Наџаф во Ирак, пишува The Sun. Овие антички гробишта содржат останки на пророци, аристократи и научници.
Гледано од воздух, „Вади ал Салам“ наликува на град бидејќи гробниците се преполни заедно. Покрај тоа, гробиштата се протегаат на шест квадратни километри. Гробиштата заземаат 13 отсто од градот Наџаф. На него има повеќе тела од жителите на Норвешка, Финска, Данска и Македонија.
„Вади ал-Салам“ буквално значи „долина на мирот“ на арапски.
The Sun наведува дека бројот на мртви закопани таму постојано се зголемува, бидејќи во Ирак со децении се водат разни конфликти. Во екот на војната во Ирак, која се одржа од 2003 до 2011 година, во „Вади ал Салам“ секој ден беа погребувани по 250 луѓе.
Освен тоа, поради фактот што биле направени од мавзолеи и подземни катакомби, гробиштата служеле и како привремено засолниште за бунтовниците.
Вработен во семејна погребна куќа таму, Мааџид, рекол дека денес закопува повеќе луѓе отколку што неговиот татко погребал за време на Иранско-Ирачката војна (1980-1988). Денес, вели, е позафатен отколку што бил откако Американците дошле во неговата земја.
Со оглед на тоа што Ирачаните моментално се борат против Исламската Држава, Мааџид за жал ќе остане зафатен.
Ситуацијата во Ирак е толку страшна што дури и завојуваните милиции отворија свои погребални домови. Тие плаќаат за сè, од транспорт на тела на милитанти до гробишта до надгробни споменици.
За да се задоволи побарувачката за погребни места, некои гробови дополнително се продлабочуваат. Посетителите можат да им оддадат почит на закопаните на поголеми длабочини со помош на голема скала. Има гробници во кои можат да се сместат и до 50 починати.
„Вади ал Салам“ се смета за свето место од шиитските муслимани бидејќи се наоѓа во близина на џамијата „Алија“, мавзолејот во кој се наоѓа гробот на првиот имам, Али бин Аби Талиб, четвртиот од четирите праведни калифи и роднина на пророкот Мухамед. Гробиштата се третото најважно место што го посетуваат муслиманските аџии.
