Фудбалот секогаш му беше на прво место, а потоа се појави таа: Мајката на Дејвид Бекам откри што мисли за својата снаа! „Се плашев“ (фото/видео)
Документарната серија за Бекам ќе има четири епизоди и ќе излезе на 4 октомври. Ќе прикажуваат досега невидена снимка, а за животот на синот проговори и мајката Сандра.
Мајката на пензионираниот фудбалер Дејвид Бекам (48), Сандра Бекам (74), во трејлерот за документарната серија на Нетфликс за нејзиниот син раскажа каков бил односот помеѓу неа и тогашната девојка на Дејвид, Викторија (49) на почетокот. Двојката се венчаше во 1999 година и иако е познато дека се изневеруваа, решија да го остават тоа зад себе и оваа година ја прославија 24-годишнината од бракот.
Сандра сега раскажа како било кога светската фудбалска ѕвезда се заљубила. Видеото е долго две минути, а сè треба да биде достапно на Нетфликс на почетокот на октомври. Романсата со Викторија, тогаш голема ѕвезда на групата Spice Girls, започна во 1997 година.
Сандра призна дека се плашела дека пејачката ќе му се меша и дека нема да донесе ништо добро во неговата кариера во Манчестер Јунајтед.
,,Бевме загрижени дека ќе изгуби сè за што работеше бидејќи дотогаш фудбалот секогаш му беше на прво место, а одеднаш веќе не беше“, рече таа.
Кога Дејвид и Викторија почнаа да се гледаат, склучија договори со модни дизајнери, фитнес тренери, разни списанија, парфимерии и брендови за убавина.
Имаа четири деца: синовите Бруклин (24), Ромео (21) и Круз (18) и ќерката Харпер (12).
Се смета дека се „тешки“ околу 440 милиони евра.
Сепак, на почетокот на врската морале да се кријат бидејќи нејзиниот менаџер ја советувал да го стори тоа.
За време на врската со Викторија, Дејвид имал расправија со поранешниот менаџер Алекс Фергусон, кој рекол дека се прославил поради врската со Викторија, но и дека тоа го променило. Документарната серија зборува за различните проблеми и стрес низ кој помина семејството на Бекам за време на нивната професионална кариера.
Минатиот јули, Нетфликс потврди дека снима документарен филм, односно четири епизоди за спортистот, неговата кариера, работничката класа од која потекнува, неговите успеси и неуспеси и неговото семејство, за што наводно добиле 18,5 милиони евра.
